Abakumsebenzi wokulibazisa uzulu bakhuthaza ukusungulwa kwendawo ezizwayo abangasebenzela kizo ezigabeni ezitshiyeneyo zelizwe ukuze imisebenzi yabo ithuthuke njalo ibelesithunzi.
Umqondisi wenhlanganiso emela abakulumsebenzi eye Arterial Network umnumzana Mandla Ncube uthi uhlupho lokusilela kwendawo zokusebenzela ezama venue ezikhathaza abakulumsebenzi eZimbabwe luqhubeka luqela kulandela ukuvalwa kwendawo eyaidume ngokubasiza edolobheni le Harare eye Book Café.
Uthi lindawo yaibaphathisa kakhulu abakulumsebenzi okugoqela labaculi besifazane abafana labo Chioniso Maraire, Dudu Manhenga, Hope Masike labanye okokuthi ukuvalwa kwayo sokutshiye indawo ezingatsho lutho ezifana le Pakare Paye le Chipawo eHarare ngesikhathi ama artists efuna ukubona inani lazo liqonga.
Umnumzana Cyprian Tazarurwa omela iBulawayo Publicity Association uthi loludubo alukabi lubi kangako ko Bulawayo ngoba ikhansili yalelo dolobho ilokhe isaluphethe kuhle loludaba isebenzelana lezakhamizi:
Umnumzana Thomas Brickhill ongumqondisi we book café utshele lumsakazo ukuba ukuvalwa kwayo kwabangelwa yikusilela kosekelo lwemali ethi lokhe elethemba lokuba angaphinda eyivule leyandawo noma kungakacaci ukuba engakwenza kanjani.
Embikweni othunyezwe yinhlanganiso yeNational Arts Council itshengise ukukhathazeka okukhulu nhokuvalwa kwe Book Café isithi ilesifiso sokukhulumisana lenkokheli yayo ibisibona ukuba ingaphathisa ngaiphi indlela. UNcube uthi bayamukela ngenjabulo limbono ye Arts Council ethi osokudingakalayo eZimbabwe yikuba kubunjwe indawo zokusebenzela kwabakumsebenzi wokulibazisa uzulu ezama hubs.
Uthi lokhu kuzaphathisa ukuba imisebenzi ye art ingameleli indawo ezilutshwana kuphela. Ama artist athi indawo aziseneli njalo ezitholakalayo ziyabe zidula zibiza imali ephezulu abengeyenelisiyo okungacina kubulala intuthuko yalumsebenzi.