Abaquba imisebenzi yokubaza lokudweba amaArtists bathi bafuna usekelo lokusebenzelana okuncono lohulumende kunye lokuthola isikhathi kwabezindaba ukuze imisebenzi yabo ithuthukiswe ngokuzwayo elizweni.
Ama artist alungisa okutshiyeneyo okugoqela ukubaza, ukudweba imifanekiso, ukudlala imidlalo yama drama, ukucula lokunye babuthane ngoLwesihlanu, eBook Cafe, eHarare, behluza inkinga ababhekana lazo kunye lokuthola indlela zokuthuthukiswa kwemisebenzi yabo.
Umnuzamana Mandla Ncube okhokhela inhlanganiso ye Arterial network eyiyona eqoqe lumhlangano uthi nomanje abezindaba bekhipha imisebenzi ye Art ezindabeni zabo bajabulela ukubona lokhu kuqheliswa.
Omunye olodumo kweze Art engumqoqi wemidlalo ye Intwasa Arts enziwa minyaka yonke ko Bulawayo uRaisedon Baya uthi okudingakalayo ukuba ama Artists akuleli aphathiseke yikusungulwa kwesikhwama se Art Fund kuhulumende ngesiphangiphangi.
UNcube uthi benelisa ukubamba umhlangano lonobhala wogatsha lwezamasiko kuhulumende uDokotela Chitepo othembise ukuba ugatsha lwakhe soluzasebenzelana kuhle labo ukuba bephatheke kumisebenzi yentuthuko yelizwe kuyiwa phambili:
Abezindaba abangene kulumhlangano bakhuthaze ama Artists ukuba lawo abelesikhathi sokuvakatshela amahofisi enhlanganiso zezindaba ama newsroom sikhathi sonke elembiko afuna ukuba iphume ezindabeni ngoba bezimisele ukubanikeza isikhathi sokuba bephume kumaphephandaba abo lakumisakazo.