Odokotela abasaqalisa umsebenzi sebekhalale umsebenzi bekhala ngeholo eliphansi lokuhlaliswa nguhulumende ezindlini ezincane.
Odokotela laba abasebenza eParirenyatwa Hospital bakhalale umsebenzi ngoLwesine besithi kabajabuliswa liholo lamakhulu ayisitshiyangalo mbili amadollar eMelika - $800 ngenyanga. Bathi bafisa ukuhola inkulungwane lamakhulu amabili amadollar eMelika – $1,200 ngenyanga.
Bakhonona njalo ngokuthi uhulumende unika udokotela munye ngamunye okuyindlwana kokuhlala enganakile lokuthi abanye babo balemuli. Odokotela abasebenza koBulawayo lezinye indawo zelizwe babikwa sebefuna ukukhalala umsebenzi bekhala ngokufanayo.
IStudio Seven kayenelisanga ukukhulumisana lomphathintambo wezempilakahle, uDokotela David Parirenyatwa, okade engaphenduli umakhalekhukhwini wakhe.
Isakhamuzi eseHarare uKhansila Peter Moyo utshele uGibbs Dube weStudio 7 ukuthi iyadanisa indlela uhulumende aphatha ngayo odokotela.
