Friday, August 01, 2014 Local time: 07:45

Indaba / Ezokudla Lezokulima

Amalungeselelo Okulima Lonyaka Ami Manzonzo

..
x
.
.
Thabang Mathebula
— Amalungiselelo wokulima lonyaka abikwa emi manzonzo ilizwe lonke njengoba uhulumende engakathumelanga inhlanyelo lemvundiso kubalimi abanganelisi ukuzithengela kanti njalo uzulu ubhekane lodubo olukhulu lokusilela kwezinto zokulimisa ngoba inkomo labobabhemi sekuqedwe yindlala.


Njengoba seliqalile ukuna izulu liphawula ukuqala kwesikhathi sokulima, abalimi sebephakathi kokulungiselela ukulima bethemba ukuthi umnyaka ozayo ungatshiyana leyendlala edluleyo ube ngowenala. Lanxa abanengi bengakaqalisi ukuhlanyela izilimo, bakhona abanelisa ukuzitholela inhlanyelo, imvundiso kanye lezinto zokulimisa abakholwa ukuthi ehambela muva ibanjwa yizinja asebephakathi kwawo umsebenzi wokulima.

Amalungiselelo okulima abonakala ngitsho lakulezondawo elingakathonti khona izulu ngendlela etshengisa ukuthi abalimi bazimisele ukusebenzela isivuno esingcono lonyaka njengoba bengavunanga lutho nyakenye. Abalimi bezigabeni ze zansi kweMandebeleni ngabanye abaphakathi kokulungiselela umsebenzi wokulima. Lanxa besebenza ngokuzinikela, abakwazi ukuthi kuzasetshenzwa njani lonyaka ngenxa yokusweleka kwenhlanyelo, imvundiso kanye lezinye izinto zokulimisa.

Kubika intathelizindaba yeStudio 7 uThabang Mathebula osethulela lolu daba.

Udaba lukaThabang Mathebula lwamalungiselelo okulima
Udaba lukaThabang Mathebula lwamalungiselelo okulimai
|| 0:00:00
...
 
🔇
X