Inengi labazali kuliviki bekumele ngabe seliqalile ukuphithizela besiyale lale bedingela abantwababo abaqala isikolo indingeko zabo njengoba sisungula umnyaka kunje lalabo asebephindela ezikolo ikakhulu abafunda behlala khona.
Inengi likhala ngokuthi kunje libhekane lenhlawulo zamaschool fees, ukuthengela abantwana amauniform, ingwalo, kulabo abafunda behlala khona okokuyasebenzisa khona esikolo lokunye okunengi.
Kodwa konke lokhu akwenzakali njengeminyakeni ngenxa yokungamanga kuhle kwesimo somnotho elizweni, inengi likhala ukuthi kalilamali okokuthi kalazi ukuthi lenzeni kumbe baqale ukubamba ngaphi sibili ngoba imali kayikho hatshi kibo kuphela kodwa lakuhulumende laselizweni jikelele.
Inengi labantu kalila msebenzi lagunyulwa kumbe litshele ukuthi laingaphenduki emsebenzi ngemva kwekhefu ngoba amankampani amanengi ehle avala okokuthi akasavuli futhi. Izulu kalini inhlanganothi zonke zemilo vele kazihambi kuhle, izikolo ikakhulu ezemaphandleni zikusimo esibi, lezinye inhlupho ezibhekane labantu.
Unkosikazi Maria Ndlovu ongukhansila kaward 20 eNkayi chasisa kabanzi ngalesi simo esibhekane lemuli ezinengi ikakhulu abesifazana abayibo abathwala umthwalo omkhulu wokuselela imuli.
“Asisakwazi lokuthi siqalele ngaphi umumo mubi okwethusayo kodwa engingakukhuthaza omama yikuthi asenze konke okusemandleni ethu ukuthi sithengise loba yinkukhu, loba yimbuzi ukuze sithole imali yokuyahlawulela abantwabethu esikolo. Ikusasa yaleli lizwe isezandleni yabala bantwana ngakhoke asizameni bomama”.