Ikusasa yezisebenzi zemafekithali iqhubeka isiba mbi kulandela imbiko kahulumende ethi inengi lamankampani akoBulawayo alokhu esavuliwe asebenza ngaphansi kohlelo lwe Judicial Management oluncedisa amankampani ehluleka ukuzimela wodwa ngoba eswele imali.
Ngaphansi kohlelo lwe Judicial Management, inkokheli zenkampani ziyabe sezikhethwe ngumthethwandaba ukuthi zisebenze okwesikhatshana zincedise inkampani ukuthi ihlale ivuliwe khona izabhadala izikwelede zayo.
Kubikwa sokuvalwe amankampani edlula ikhulu kuwonalo umnyaka wodwa. KoBulawayo, amankampani asevaliwe kumbe angaphansi kwe judicial management agoqela I Savanna Woods, Trade Power, Textile Mills, le Willsgrove.
Lokhu kutsho ukuthi abanye ababesebenza kula amankampani abaselandlela yokuziphilisa lemuli zabo ngoba sebalahlekelwa yimisebenzi.
UMnu. Tamurai Moyo umkhokheli weyinye yenhlanganiso ezilwela amalungelo ezisebenzi zika Loliwe eye ZARU uthi izisebenzi zalinkampani, zithwele amagabha avuzayo lanxa zilokhu zisebenza.