10.01.2013
<h1>Kulamankampani Angasoze Avule Lonyaka KoBulawayo </h1><img src="http://www.voandebele.com/App_Themes/VOA_nd/img/colorLogo.gif"/>Amankampani amanengi koBulawayo akhangelelwe ukuthi kawasoze avule lonyaka kulandela ukuvala kwawo ngekhefu lekhisimusi.<br /> <br /> Umnu. Davies Ndumiso Sibanda olwela ilungelo lezisebenzi ekunkampani ye Stratways Management uthi inhlanganiso zezisebenzi kazitsheli izisebenzi iqiniso ngokuzakwehlela amankampani la.<br /> <br /> Umnu. Sibanda uthi inhlanganiso ezinjenge Zimbabwe Federation of Trade Unions lezinye zitshela izisebenzi ukuthi amanye amankampani alakho ukuvalwa kawafuni ukuholisa izisebenzi.<br /> <br /> Uthi kwesinye isikhathi batshela izisebenzi ukuthi amankampani la afihle imali emazweni kumbe kwele Zimbabwe esenzela ukubalekela indleko yokuholisa izisebenzi.<br /> <br /> Inkampani yeCairns Foods (Pvt) Limited ngeyinye yamankampani esivaliwe ngenxa yokungenelisi ukulungisa impahla enengi yokuthengisa.<br /> <br /> Izisebenzi ezedlelula inkulungwane – 1,000 zilakho ukulahlekelwa ngumsebenzi endaweni zonke zelizwe kulandela ukuvalwa kwenkampani le.<br /> <br /> Kulezisebenzi ezedlula amakhulu amabili lamatshumi amahlanu – 250 ezibikwa zixotshwe umsebenzi eCairns Foods koBulawayo.<br /> <br /> Amankampani amanengi lokhe ethwele nzima ngokwenza impahla ngenxa yokuswela imali yokuvuselela inotho yawo.<br /> <br /> Uhulumende ubumbe isikhwama se Distressed and Marginalized Areas Fund esilezigidi ezingamatshumi amane amadollar eMelika - $40 million – nyakenye.<br /> <br /> Uhulumende wehlulekile ukuboleka amankampani athwele nzima imali le njengoba engenelisanga ukukhipha ingxenye yemali le ebambisana le Old Mutual Insurance Company.<br /> <br /> <div class="tag_image tag_audio_plain" contenteditable="false" mode="audio|plain|248545"> Ingxoxo Esiyenze LoMnu. Davies Ndumiso Sibanda<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/amankampani-kawasoze-avulwe-kobulawayo-kunzima-edolobheni/1581568.html"/><meta name="syndication-source" content="http://www.voandebele.com/content/amankampani-kawasoze-avulwe-kobulawayo-kunzima-edolobheni/1581568.html"/><img src="http://livetracker.voanews.eu/counter.lt?PageType=256&RecordId=1581568&SiteId=430&r=71454886&it=0&pd=20130110202841&url=ArticleID1581568" alt="" style="border:none;" height="1" width="1">
Copy to clipboard Close