Basenkingeni Abadilizelwe Izindlu Lizulu eBeitbridge
ENkayi kubikwa kubhubhe abantu abane, abagoqela abantwana ababili abagalule emifuleni u Kana, uDeka, lo Sesemba.
Beitbridge floods
Sithandekile Mhlanga
23.01.2013
WASHINGTON — Kulandela izulu elibhidlize izindlu njalo labulala abantu ezigabeni ezitshiyeneyo zelizwe kunsukwana ezisanda kwedlula, ugatsha lukahulumende olwe Civil protection unit luqhubeke ngokwabela izakhamizi ezingelandawo zokuhlala impahla ezigoqela amatende, ukudla, okokugqoka, lokunye ngolweSithathu.
EBeitbridge, imizi ethethwe ngamanzi ngoMvulo ibisendaweni ezigoqela iChikwalakwala, iTshitulipasi, iTshasvingo, le Mawale. Lingozi yokukhukhulwa kwemizi itshiye ibulele abantu abayisitshiyangalombili. Bekulezililo kulimizi, egoqela okasomabhizimusi olodumo kulindawo, umuyi uMnu. Simon Mudawu obikwa ebhubhe lomkakhe uNkosikazi Christina, imota yabo isithethwe ngamanzi.
Kubhidlike imigwaqo kanye lebholoho lomfula uBubi, okutsho ukuthi akuseyikubalula ukufinyelela iChiredzi le Chikombedzi.
ENkayi kubikwa kubhubhe abantu abane, abagoqela abantwana ababili abagalule emifuleni u Kana, uDeka, lo Sesemba.
Umfundisi Eddison Dube, oncedisa abantu abakusimo esifanayo eTsholotsho, utshele uSithandekile Mhlanga weStudio 7 ukuthi sebethole uncedo olulutshwana lokusiza abantu eDinyane, Malanda, Bhubhude, Bhulala, Nembe, Mbambangamandla, le Jimila.
Ingxoxo LoMfundisi Eddison Dube