Wednesday, February 10, 2016 Local time: 10:41

    Indaba / Ezokudla Lezokulima

    BCC: Amanzi Asevalwa Okwensuku Ezintathu

    x

    Multimedia

    Audio
    Nothando SibandaNtungamili Nkomo
    Ikhansili yakoBulawayo ibike ukuba isizayekethisa uhlelo lokuvalwa kwamanzi ngendlela yokuwalondoloza kulelidolobho ngelanga elilodwa kusukela ngoMvulo. Lokhu kutsho ukuba asezavalwa okwensuku ezintathu hatshi ezine njengakade kusenzekala.
     
    Ukhansila kaWard five, uDokotela John Ferguson obambe umhlangano wekhomithi yamanzi oweCouncil's Future Water Supplies and Water Action Committee ngolweSibili, wathi kusukela ngoMvulo izakhamizi sezizakuba lamanzi okwamalanga amane ngeviki kusuka kumalanga amathathu.
     
    Uthi banqume lokhu kulandela ukuna kwezulu osokungenise amanzi emadamu lanxa engakabi manengi kanye lamanzi asengena evela edamu leMtshabezi.
     
    Ikhansili yakobulawayo iqale  ukuvala amanzi nyakenye lapho eqale ivala okwelanga elilodwa yaya kwamabili yaze yacina isivala amalanga amane.
     
    Impompi eziletha amanzi evela edamu leMtshabezi ziqale ukusebenza ngenyanga ephelileyo lanxa kulokhu kulenhlupho ezidinga ukulungiswa.
     
    Kubika intathelizindaba yeStudio 7 uNothando Sibanda osipha loludaba ekoBulawayo.

    Udaba luka Nothando Sibanda lokuvulwa kwamanzi koBulawayo
    Udaba luka Nothando Sibanda lokuvulwa kwamanzi koBulawayoi
    || 0:00:00
    ...    
     
    X

     
    Ukuhlaziya loludaba lwamanzi olubhekane lezakhamizi zako Bulawayo uNtungamili Nkomo weStudio 7 uxoxe lesiphathamandla senhlanganiso yezakhamizi zaleli dholobho eyeBulawayo Progressive Residents Association ebona ngenhlelo eziphathelane lokutholisa uzulu amanzi uMnumzana Anglistone Sibanda othi bayalamukela inyathelo likamanisipala.

    Ingxoxo loMnu Anglistone Sibanda ngodaba lwamanzi
    Ingxoxo loMnu Anglistone Sibanda ngodaba lwamanzii
    || 0:00:00
    ...    
     
    X
    This forum has been closed.
    Umbono wakho
         
    Akula othe wafaka umbono wakhe kule inkundla. Bana ngowakuqala ukwenza njalo

    Facebook