amalinks wokungena

Breaking News

Amaphephandaba Ayavalwa Ngokusilela Kwemali


Amaphephandaba.
Amaphephandaba.

Iphephandaba le The Zimbabwe Mail, elaliphuma nsukuzonke lazodibana lenhlupho laseli phuma kanye ngeviki kulandela ukusilela kwemali okwamanje lihle lavalwa.

Kuthi elinye njalo iphephandaba eliphuma kanye ngeviki ele Southern Eye libikwa lizavalwa ekupheleni kwyonale inyanga kaMbimbitho.

Lokhu kwenzakala inkampani kahulumende eye Zimpapers itshele izisebenzi ukuthi kumele zikhethe ukuthatha impentsheni lanxa isikhathi singakafiki ukwenzela ukwehlisa inani lemali yokuzibhadala.

Umhleli wephephandaba le The Zimbabwe Mail, lona elikhokhelwa ngabosomabhizimusi abambalwa abagoqela umphathintambo wezokuthwala, uMnu. Obert Mpofu, uMnu. Constantine Chimakure utshele iStudio Seven ukuthi ngempela leliphephandaba selivaliwe.

Umhleli omkhulu wenkampani ye Alpha Media, edinda amaphepha abalisa ele The Independent ele Southern Eye kunye lele The Standard, uMnu. Vincent Kahiya walile ukukhuluma ngaloludaba.

UChris Gande weStudio Seven uxoxe lengcwethi ecubungula ezokwethulwa kwembiko, uMnu. Zenzele Ndebele ukuze sizwe imbono yakhe ngaloludaba.

please wait

No media source currently available

0:00 0:02:06 0:00
Lapho esitholakala khona

XS
SM
MD
LG