Amapholisa akhuthaza abatshayeli ukuthi benanzelele ukuthi nxa betshayela bengahambi ebusuku ngoba yikho okuvame ukuba lengozi zomgwaqo ezinengi.
Lokhu kulandela imbiko ethi izolo kufe abantu abalitshumi lesikhombisa engozini zomgwaqo osekukhweze inani labasebefele emgwaqweni kumatshumi ayisithupha lane, 64 selokhu kuqalise ikhefu leKhisimusi okulinani eledlula ngabantu abayisithupha nxa kuqathaniswa lenani lanyakenye sikhathi sinye.
Abanengi ngabafe engozini ezenzakale esigabeni se Masvingo kulandele ese Matabeleland South. Isikhulumeli samapholisa, uChief Superintendent Paul Nyathi utshele iStudio Seven ukuthi abatshayeli kumele bengagijimi ngesiqubu esikhulu ngoba ngenye imbangela yengozi ezenzakala emgwaqweni.\