WASHINGTON DC —
Amapholisa eHarare namhla alile ukupha imvumo ibandla leMDC Renewal Team ukuthi lenze umhlangano walo we Congress obukhangelelwe ukuqala ngoLwesihlanu kulelidolobho.
Amapholisa abikwa ethe inkundla ye Harare City Sports Centre iyabe ilabanye kodwa lelibandla lilandule limbiko lisithi kade lafaka isicelo sokusebenzisa linkundla ngenyang edluleyo.
Lumhlangano ubukhangelelwe ukukhetha inkokheli. UMnu. Tendai Biti nguye okhangelelwe ukukhethwa ukuba ngumkhokheli esekelwa nguMnu. Sam Sipepa Nkomo.
Umsekeli kanobhala obona ngokuqoqwa kwenhlelo zalelibandla, Umnumzana Reggie Moyo upha uchasisa kabanzi ngaloludaba.