WASHINGTON —
Amapholisa akoBulawayo ngoLwesithathu abuzisise isiphathamandla somsakazo we Radio Dialogue umnumzana Zenzele Ndebele ngodaba lokuthi inhlanganiso yakhe ingabe ilemitshina kumbe amaphepha akhomba injongo yokwethula imbiko echothoza umbukiso osaqhubeka kulelidolobho oweZimbabwe International Trade Fair.
Amapholisa amanyane logatsha lwe Postal and Telecommunications Regulatory Authority ngoLwesibili, ukudingisisa lezimpahla emahofisini eRadio Dialogue kanye lemzini wakhe uNdebele kodwa abikwa engatholanga lutho.
UNdebele usanda khululwa kucala lokwephula umthetho ophathelane lokusakaza ngenyanga edluleyo amapholisa aze athole amachacho alikhulu lamatshumi ayisitshiyangalombili 180 emahofisini eRadio Dialogue.
UMnu. Ndebele utshele uSithandekile Mhlanga weStudio 7 ukuthi isenzo samapholisa sididanise inhlanganiso yakhe ingqondo ngoba injongo yabo ngeyokuthuthukisa izigaba zeMatabaleland lezigqagqele lesisigaba.
Amapholisa amanyane logatsha lwe Postal and Telecommunications Regulatory Authority ngoLwesibili, ukudingisisa lezimpahla emahofisini eRadio Dialogue kanye lemzini wakhe uNdebele kodwa abikwa engatholanga lutho.
UNdebele usanda khululwa kucala lokwephula umthetho ophathelane lokusakaza ngenyanga edluleyo amapholisa aze athole amachacho alikhulu lamatshumi ayisitshiyangalombili 180 emahofisini eRadio Dialogue.
UMnu. Ndebele utshele uSithandekile Mhlanga weStudio 7 ukuthi isenzo samapholisa sididanise inhlanganiso yakhe ingqondo ngoba injongo yabo ngeyokuthuthukisa izigaba zeMatabaleland lezigqagqele lesisigaba.
