Friday, July 25, 2014 Local time: 11:18

Indaba / Ezelungelo Loluntu

Amapholisa Aqhubekela Phambili Ethathela Uzulu Ama Radio

x
Gibbs Dube
— Amapholisa abikwa eqhubekela phambili ethathela uzulu amaRadio emaphandleni lasemadolobheni.
 
Amapholisa la abikwa esethekelela abantu abacatshangelwa ukuthi ngabalandeli bamabandla eMovement for Democratic Change lapho abafika emizini yabo badinge amaradio ikakhulu asebenzisa umlilo wamandla elanga owe solar energy.
 
Umnu. Kucaca Phulu igqwetha elilwela amalungelo oluntu uthi abantu abahlukuluzwa ngamapholisa ahamba esithi adinga ama radio kumele aye ngokushesha kumagqwetha awenhlanganiso yeZimbabwe Lawyers for Human Rights.
 
Uthi kulamanye njalo amagqwetha akuhlanganiso ezimele yodwa ebizwa ngokuthi Abameli Human Rights Lawyers Network.
 
UMnu. Phulu uphinde wathi uzulu uthithibele njengoba ethathelwa ama radio abamba umsakazo we Studio 7 olenhlelo ezitshiyeneyo ezithakazelelwa ngabantu makhaza.
 
Unkosikazi Theresa Makone omunye wabaphathintambo bezokwenzakala elizweni utshele iStudio 7 ukuthi akumelanga uzulu athathelwe ama radio asemthethweni.
 
Amapholisa athi athathela abantu ama radio okungamelanga abesezandleni zabantu makhaza njalo abawaphiwa zinhlanganiso ezizimele zodwa.

Ingxoxo Esiyenze LoMnu. Kucaca Phulu
Ingxoxo Esiyenze LoMnu. Kucaca Phului
|| 0:00:00
...
 
🔇
X
This forum has been closed.
Umbono wakho
     
There are no comments in this forum. Be first and add one

Facebook