Kuqhamuke udlakela edolobheni leHarare ngemva kokuba amapholisa kamanisipala kade ehamba ngemota ezimbili ezinkulu ejikijele abaphila ngokuthengisa emgwaqweni ngamatshe emgwaqeni u First Street lamuhla ekuseni kwalimala abambalwa.
Abantu laba labo baphindisele amapholisa bawatshaya ngamatshe kodwa babopha abanye abambalwa.
Ababone lokhu kusenzakala bathi bamane bauya nje la mapholisa aqala ukutshaya abantu abekade bendlale impahla yabo emigwaqweni.
Unkosazana Kudzai Gombedza osebenzela bucwadlana lalomgwaqo ka first street,ngomunye wabafakaze lesi sehlakalo ngesikhathi esiya lapho asebenzela khona.
Unkosikazi Lungile Mlilo, ophila ngokuthengisa amasaka khona emgwaqweni u First Street, ngomunye wabathathelwe impahla yakhe.
Kodwa lokhu okuchazwa nguzulu weHarare kulandulwe ngumanisipala ethi akukho nto enjalo ethe yaba khona lamuhla.
Isikhulumeli sikamanisipala,umnumzana Michael Chideme ukulandule lokho okubikwa kwehlela abathengisa ezitaladeni e Harare ethi ngoba okwenziwa ngumanisipala yikukhuthaza uzulu ukuba aye lapho kumele baye thengisela khona.
Amapholisa la aqhubeke ebhoda edobha impahla yabantu abathengisa ezitaladeni laba.
Intathelizindaba yethu uMavis Gama usethulela loludaba ngokugcweleyo.
Kunjalo nje, Omunye wamakhansila edolobho leHarare uMnu. Peter Moyo uthi ikhansili le ibizama ukuqoqa umhlangano wesiphange-phange lamuhla ntambama ukucubungula udaba lwabathengisa ezitaladini kodwa kwehlula.
Uthi ikhansili izahlangana lomphathintambo kahulumende obona ngokwabiwa kwezabelo uMnu. Saviour Kasukuwere ngeviki ezayo ukuze becubungule loludaba.