amalinks wokungena

Breaking News

Moses Mzila Ndlovu: Angisuki Ebandleni Kumele Kusuke uMnu. Welshman Ncube


UMnu Moses Mzila Ndlovu
UMnu Moses Mzila Ndlovu

Obengunobhala jikelele webandla leMDC ekhokhelwa nguMnu. Welshman Ncube, uMnu. Moses Mzila Ndlovu uthi lanxa exotshiwe esikhundleni lesi uzaqhubeka ekubandla leli.

UNdlovu uthi kaziswanga ngencwadi ukuthi sexotshiwe kodwa ubale emaphephandabeni ukuthi idale lebandla leli ele Standing Committee lifumane engazi umsebenzi ngalokho kumele axotshwe esikhundleni.

Kunyanga ezimbalwa ezedluleyo lelibandla selitshiywe yinkokheli isithi kayisuthiseki ngendlela uNcube akhokhela ngayo. Asebesuke kulelibandla babalisa owayesikhulumeli, uMnu. Nhlanhla Dube, owayengunobhala jikelele uNkosikazi Priscillah Misihairambwi Mushonga watshiye lesi sikhundla saphiwa uNdlovu, labanye abanenginengi sebasuka.

UNdlovu uthi okumangalisayo yikuthi amalunga ebandla athuma uMnu. Esoph Mdlongwa ukuthi akhulumisane loNcube ngodaba lokuthi usehluleka umsebenzi kodwa sekuxotshwa uNdlovu. UNdlovu utshele uChris Gande weStudio Seven ukuthi uNcube nguye udubo kulelibandla.

"Angitholanga ncwadi engisusa kuMovement for Democratic Change. Engikubonileyo lami ngikubone ku media ukuthi bahlangene bavumelana ukuthi mina kangehliswe kulososikhundla," kutsho uMzila-Ndlovu.

Wengezelele esithi kulezizatho ezimbalwa okuthiwa yimbangela yokumxotsha ezibalisa ukwehluleka ukwenza umsebenzi kungeal buciko lobuncwethi bokwenza lumsebenzi. Lesokuthi wehlulekile ukuqoqa abantu ukuthi beye emhlanganweni we Congress.

UMzila Ndlovu uthi yena ucabangela ukuthi njengoba sekuzafika umhlangano we congress okukhethwa khona abantu, uMnu. Welshman Ncube ufuna ukususa bonke abangamhluthunela isikhundla.

"Kutsho ukuthi nxa engehlisa laphana esikhundleni besengizonda ngisuke enhlanganisweni ngoba angixotshwanga kunhlanganiso. Into engaziwa ngabantu yikuthi abantu baziqoqile bathi bafuna ukumbona ngoba kulabantu abalethwa kunhlanganiso bephiwa izikhundla esingabaziyo iminyaka yonke le," kutsho uMzila Ndlovu.

Okunye uMzila Ndlovu uthi yikuphathwa kwempahla yebandla okubalisa imali yebandla engaziwa ukuthi isetshenziswa njani. Lokuthi lapho okwenziwa ukhetho lokudinga abazamela ibandla kukhetho uNcube uyangenela afake izihlobo labangane bakhe.

please wait

No media source currently available

0:00 0:02:17 0:00
Lapho esitholakala khona

XS
SM
MD
LG