Udaba lwezombusazwe eZimbabwe luqhubeka kulu daba egudwini lanxa umlamlankunzi, uMongameli Jacob Zuma weleSouth Africa ubeselizweni izolo.
Loludaba selukhangelelwe ukuhlaziywa ngukujulileyo emhlanganweni womanyano wamazwe angezansi yezwekazi leAfrica, oweSADC owenzelwa kwele Mozambique ngempelasonto. Abaphathintambo bedale lomanyano lo sebeqalisile umhlangano ozacanda umhlahlandlela womhlangano omkhulu we SADC.
Isiphathamandla seSADC, uMnu. Tomaz Salamao utshele intathelizindaba eMozambique ngolweSithathu ukuthi amazwe awezwekazi le Africa akhangelele ukuthi eZimbabwe kuzaqutshwa ukhetho olukhululekileyo. USalamao uthi iSADC yavumelana ukuthi uhulumende womanyano aqhubeke kusalungisiswa okwenqabela ukhetho olukhululekileyo lesisekelo sombuso esitsha.
Kodwa udaba lwesisekelo sombuso esitsha lukhanya lokhe lusidla ubhedu ngoba iZanu PF ilokhu isithi kumele luqhubeke luxazululwa andubana kuyiwe kukhetho lokuthi uzulu uvumelana lesisekelo lesi kumbe hatshi.
Inhlanganiso ezizimeleyo ezivela eZimbabwe lamanye amazwe lazo ziqhubekele phambili zikhankasela umbuso okhululekileyo ezwekazi le Africa emhlanganweni weSADC. UChris Gande uxoxe lonobhala jikelele wecele leMDC ekhokhelwa nguMnu. Welshman Ncube, uNkosikazi Priscilla Misihairambwi Mushonga okhonale eMozambique.
sadc-misi