Friday, February 12, 2016 Local time: 16:00

    Indaba / Ezombusazwe

    Tsvangirai: Nginganqotshwa Kukhetho Ngizatshiya Isikhundla

    Morgan TsvangiraiMorgan Tsvangirai
    x
    Morgan Tsvangirai
    Morgan Tsvangirai
    Chris Gande
    Umkhokheli welinye lamacele eMDC oyinhloko kahulumende womanyano uMnumzana Morgan Tsvangirai okhanya elethemba lokuthi enganqoba kukhetho oluzayo, umangalise abalandeli bebandla lakhe ngolweSihlanu eGweru ngokuthi enganqotshwa uzatshiya isikhundla sakhe.

    UTsvangirai utshele umbuthano wenkokheli yeziqinti ukuthi ibandla lakhe selilolwazi olujulileyo oluphathelane lokubusa kulandela ukungena kwebandla lakhe kuhulumende womanyano.

    Ibandla likaTsvangirai liphawule uhlelo lokuvuselela inotho yelizwe oluthiwa JUICE ngolweSine. Utshele lumbuthano ukuthi ibandla leZanu PF labulala umnotho welizwe ngokungethuli uhlelo olunjengolwabo olwe JUICE abathi luzadala imisebenzi eminengi.


    Amazwi ka Mnu. Morgan Tsvangirai
    Amazwi ka Mnu. Morgan Tsvangiraii
    || 0:00:00
    ...    
     
    X


    Amazwi kaTsvangirai okuthi engasuka esikhundleni enganqotshwa amangalise lengcwethi ezicubungula ezombusazwe. Nxa engasuka okhangelelwe ukuthatha isikhundla sakhe nguNkosazana Thokozani Khuphe umsekeli wakhe.

    UChris Gande weStudio 7 uxoxe lengcwethi ecubungula ezombusazwe, uMnu. Rejoice Ngwenya  oveza imbono yakhe ngaloludaba.
    Ingxoxo loMnu. Rejoice Ngwenya
    Ingxoxo loMnu. Rejoice Ngwenyai
    || 0:00:00
    ...    
     
    X
    This forum has been closed.
    Umbono wakho
         
    Akula othe wafaka umbono wakhe kule inkundla. Bana ngowakuqala ukwenza njalo

    Facebook