amalinks wokungena

Breaking News

AbeROOTS Basungula Uhlelo Lomkhankaso wokumisa Ukwendiswa Kwamantombazana


Abenhlanganiso yabontanga ethiwa yi Real Opportunities for Transformation Support-ROOTS,ekhankasela ukuthuthukiswa kwabasakhulayo kundaba zomnotho, bakhangelelwe ukusungula umkhankaso wokuqeda udubo lokwendiswa kwamantombazana besese bancinyane kwele Zimbabwe.

Lumkhankaso wenyanga eziyisithupha uzaqhutshwa phansi kwesihloko esithi ‘’Not Ripe for Marriage’’ njalo uzaphawulwa okusemthethweni a Book Cafe kusasa ngenjongo yokuphathisa ukuqeda loludubo lokwendiswa kwamantombazana esesemancane,ebanjwa ngamandla kanye lokungena kwabo emendweni masiny lalapho bezikhethela.

I Studio Seven ikhulumisane labesifazane edolobheni le Harare abatshengise ukukhathazeka phezu kokwanda kwezehlakalo zamantombazana angena emendweni esesemancinyane ngezizatho ezehlukeneyo okubalisa unkosikazi Sinikiwe Ncube otshengise ukukusola lokhu kwenza.

Ukhuthaza abazali lohulumende unkosikazi Ncube,ukuba abophathisa ukulwehlisa loludubo lokwendisa kwabantwana abancinyane ngezizatho ezehlukeneyo. Uthi lokho okwenzakalayo kuyingozi enkulu emntwaneni ngoba kuzamngenisa enkingeni yokuthelelwa imikhuhlane etholakala emacansini okubalisa igcikwane le HIV.

Lokhu kugcizelelwe ngunkosikazi Charity Nyoni wasemzini wase Kambuzuma oveze ukuba lokho okwenziwa ngabanye ngezizatho ezehlukeneyo, ukwendisa amantombazane esesemancinyane kungumkhuba omubi okumele uhulumende angenele aphathisane labazali ukuluquda.

Lumkhankaso uza ngesikhathi ziqonga izehlakalo zababamba ngamandla amantombazana la ukungena emendweni esesemancane engaphansi kweminyaka elitshumi lasitshiyagalombili.

Impumela yenhlolisiso eyenziwe zinhlanganiso eziphatheke kundaba zokucubungula, iveze ukuba isilinganiso sokungamatshumi amathathu lanye ekhulwini -31 %, samantombazana bangena emendweni beleminyaka engaphansi kwelitshumi lasitshiyagalombili.

Abe Unicef bathi amantombazana phose inkulungwane ezingamatshumi amane- 39 000 bayendiswa ngelanga umhlaba wonke jikelele .

Kuthi abe United Nations Population Fund (UNFPA) bona bathi phakathi kweminyaka ethi 2011 kusiya ku 2020, bazakwedlula izigidi ezingamakhulu amane laba bantwana ababanjwa ngamandla ukwenda besesebancane.

Izehlakalo zamantombazane abendiswa bebancane kweleZimbabwe zibikwa zisanda kakhulukazi kulabo abangabayanga.Ukwendisa abantwana besesebancane kuyephula ilungelo labo njengoba kufana lokubabulala bengasoze banelisa ukufeza amaphupho abo yikho abe ROOTS bethi lumkhankaso uzaphathisa ukubonisa uzulu phezu kobubi balokju.

XS
SM
MD
LG