WASHINGTON DC —
Imidlalo yenguqu yesigaba saphezulu ese Castle Lager Premier Soccer League-PSL isiyaqalisa eZimbabwe ngesikhathi amaqembu amanengi ebhekane lodubo lwabaqeqetshi abanye bexotshwa umsebenzi abanye abatsha beqatshwa.
Amaqembu amakhulu amathathu alodumo abalisa i-Dynamos, Highlanders le Caps United aqhatshe abaqeqeshi abatsha ekupheleni kwanyakenye abalomthwalo omkhulu wokusebenza ngendlela efunwa ngabasekeli bala maqembu.
Phakathi kwabaqeqetshi abacine belahlekelwa ngumsebenzi nyakenye bagoqela uMoses Chunga oweChiredzi, uPhilani Ncube owe How Mine, uArthur Tutani owe Black Rhinos, uGishon Ntini owe Triangle, Callisto Pasuwa kanye loKelvin Kaindu oweHighlanders.