WASHINGTON —
Udubo lwabontanga abaqalisa imuli bengakazilungiseleli ngokugcweleyo lubikwa lubhahe kakhulu elizweni njalo lubangela ukuthi abasakhulayo abanengi behluleke ukugcwalisa izifiso zabo.
Esikhathini esinengi abantwana abangamantombazana basuke baphume ezikolo bengaqedanga ngoba sebezithwele. Balutshwana abathi bengabeletha babuyele esikolo.
Abasakhulayo abayabe behlangane lohlupho lolu bacina bengasaqedanga izifundo zabo, okuhle kuphazamise amaphupho abo empilo engcono.
Olunye udaba oluhluphayo ngolwabasakhulayo abazithola sebekhusela imuli umuntu eseyedwa (single parenthood).
Sixhume isiphathamandla seStudents and Youth Working on Reproductive Health Action Team uNkosazana Langalethu Nkala wasichasisela okunengi ngaloludaba.