Inhlanganiso eyethula inani lezehlakalo zokuhlukuluzwa lokwephulwa kwamalungelo oluntu eye Zimbabwe Peace Project ithi lokhu kwaqala ukuhlutshwa kwabaphila ngokuthengisa ezitaladeni sokwathathelwa abantu impahla edlula isigidi esisodwa, i$1million.
Kugwalo lwayo olwenyanga kaNtulikazi linhlanganiso ithi kulempahla efika phose ingxenye yesigidi eyatshiswayo kuthi enye ingxenye yathathwa ngamapholisa kamanisipala.
Kuviki edluleyo uNkosikazi Grace Mugabe uphe abantu kade bebuthene eMurombedzi impahla ezibikwa zathathelwa abathengisa emgwaqweni. Inhlanganiso ye ZPP ithi amalugelo oluntu aqhubeka esiya nganxele kulandela ukuxotshwa kwenkulungwane lenkulungwane zezisebenzi.
IZPP yengezelele isithi ukudilizelwa izindlu okwenziwe eHarare emizini yeWarren Park le Budiriro lako kuyikwephula kwelungelelo loluntu. Ukuhlaziya loludaba uChris Gande weStudio Seven uxoxe lomkhokheli wenhlanganiso yezisebenzi, iZimbabwe Congress of Trade Unions, uMnu. George Nkiwane.
