amalinks wokungena

Breaking News

UMnu. Bronkhorst Ukhululwa Ngemali Yesibambiso SeBail


UMnu. Bronkhorst, ubikwa wakhokhela ukuzingelwa kwalesi isilwane, esabulawa nguMnu Walter Palmar isizalwane seMelika.

Umzingeli uMnu. Theodore Bronkhorst umiswe phambi komthethwandaba kamantshi weHwange ngoLwesithathu lapho akhululwe ngemali yesibambiso sebail eyinkulungwane yamadola-one thousand dollars kulandela icala aletheswayo elokwehluleka ukwenqabela ukubulawa kwesilwane esaziwa ngokuthi Cecil, njalo esibikwa sithandwa ngabanengi elizweni.

UMnu. Bronkhorst, ubikwa wayekhokhela isizalwane seMelika uMnu. Walter Palmer, onguye owabulala lesi isilwane epulazini lomlimi uMnu. Honest Ndlovu eAntoinette Farm eGwayi Conservancy. UMnu. Ndlovu laye wetheswa icala lokuvumela ababili laba ukuthi bezingele epulazini lakhe yena engelamvumo eneleyo eyokuthi akwenze lokhu.

UMnu. Bronkhorst, ongumnini we ukhangelelwe ukuphenduka emthethwandaba ngoLweSithathu kuviki ezayo sokuthethwa lelicala. Uthathelwe ugwalo lwakhe lokuhambisa olwe passport, njalo watshelwa ukuthi ahlale emzini wakhe koBulawayo, lapho azazibika khona emapholiseni eHillside Police Station kulelodolobho kathathu ngeviki.

Okunengi ngaloludaba asikuzweni kungxoxo esiyiqhube legqwetha lakhe uMnu. Givemore Muviringi, yena othi uMnu. Bronkhorst uyaliphika lelicala.

Ingxoxo LoMnu. Givemore Muviringi
please wait

No media source currently available

0:00 0:01:38 0:00
Lapho esitholakala khona

XS
SM
MD
LG