Omunye wabasakhulayo beZimbabwe abathathu abathole imali yokuthuthukisa ababhizimusi abo phansi kohlelo lweMandela Washington Fellowship, uAndrew Chikomba, uthi uzasebenzisa imali le ukuqhelisa ibhisimusi lakhe ontanga bathole imisebenzi.
UChikomba, uFarai Chizengeni loKudakwashe Makuzva baphiwe inkulungwane ezingamatshumi amabili lanhlanu zamadola ngamunye lugatsha lweUnited States African Development Foundation.
UChikomba ngumnikazi wenkampani ethengisa amandla esolar, iGemwitts Enterprises.
Egqiba umhlangano labasakhulayo bonke abaphatheke kuhlelo lweMandela Washington Fellowship umsekeli kamabhalane obona ngobudlelwano beMelika lamazwe eAfrica uNkosikazi Linda Thomas-Greenfield ukhuthaze ontanga laba ukuthi babuyele ezabelweni zabo bayesebenza gadalala bathuthukise impilo kazulu.
Omunye wabaphatheke kuloluhlelo uMnu Divine Dube, osebenza lenhlanganiso yePlumtree Development Trust uthi ngaphezu kokuncedisa uzulu wesigaba sakhe kwezentuthuko, ukhangelele ukukhulumisa lenkokheli yesigaba njalo ngendaba zesisekelo sombuso.
