amalinks wokungena

Breaking News

ICITES Ithi Kumele Uzulu Athole Inzuzo Ezinyamazaneni Zasendle


ICITES ithi kumele uzulu athole inzuzo ezinyamazaneni.
ICITES ithi kumele uzulu athole inzuzo ezinyamazaneni.

Usibalukhulu wenhlanganiso ebona ngokulondolozwa kwezemvelo, uMnu. John Scanlon, uthi kumele abantu makhaza bathole inzuzo ezinyamazaneni zasendle ezinjengesilwane esilodumo esasibizwa ngokuthi nguCecil esabulawa yisizalwane seMelika, uMnu. Walter Palmer.

UScanlon wenhlanganiso ye weConvention on International Trade in Endangered Species – iCITES – uthi manengi amazwe lapho uzulu angatholi khona inzuzo ezinyamazaneni zasendle njengoba labo ababhadalwa ngabazingeli bemazweni besidla bodwa.

Uthi kumele ohulumende bebambisane lozulu ukwenzela ukuthi kuthuthukiswe impilo yabo. Uthi kumele kuqakathekiswe inzuzo etholakala ezinyamazaneni ukwenzela ukuthi abantu makhaza labazingela okusemthethweni bengabulali inyamazana mahlayana nje.

Abantu abanengi bajayele ukuthola ingcosana kunhlelo zokuzingela ezinjenge CAMPFIRE.

Abatholi lutho emalini ebhadalwa ngabazingeli abavela emazweni ababhadala abanikazi bamapulazi lapho okutholakala khona inyamazana.

Sixoxe lomunye wabazingeli eZimbabwe, uMnu. Dumisani Sibanda, othi akumangalisi ukuthi uzulu usala enephuza inyama abanothileyo bekhomba ngophakathi.

XS
SM
MD
LG