Ikhansili yakoBulawayo incedisana lohulumende ithi ilemizamo yokulwisana lomkhuhlane weEBOLA ungaqhamuka kulelidolobho ngemidlalo eyeAfrican Union Youth Sports Council Region 5 Under-20 Youth Games ezaqhutshwa kulelidolobho.
Kodwa uhulumende uthi amazwe azaphatheka kulimidlalo ayisiwo ahlaselwe ngumkhuhlane weEbola. Amazwe la abalisa iAngola, Botswana, Lesotho, Namibia, Malawi, Mozambique, South Africa, Swaziland, leZambia.
Lokhu kwenzakala abemidlalo yenguqu abakwamanye amazwe, bekhokhelwa ngumdlali wokulingisa oweBhilithane uIdris Elba besungule umkhankaso wokulwisana lalumkhuhlane emazweni eAfrica, ukwenzela ukuthi ungasabalali ugcwale emazweni angaphetsheya.
Ukuze sizwe okunengi okuphathelane lezempilakahle kulelidobho ngesikhathi salimidlalo, sixoxe loKhansila Monica Lubimbi, oka ward 29 eLobengula leMagwegwe, yena ongumgcinisihlalo wekhomithi ebona engezempilakahle kukhansili yedolobho lakoBulawayo.
UKhansila Lubimbi utshele uSithandekile Mhlanga weStudio 7 ukuthi ikhansili ihlezi ikhuthaza izakhamizi ukuthi ziqakathekise ukuhlanzeka.
