amalinks wokungena

Breaking News

MDC-T: Sizabamba Uhulumende Ngamandla Ukuguqula I-Electoral Amendment Bill


I-MDC-T ithi iyakhathazeka ngokuvunyelanwa kweElectoral Amendment Bill ukuba ngumthetho isithi kunengi okwavunyelwana kusisekelo sombuso esitsha ngenguquko yokhetho okulokhu kungekho emthethweni lo.

Icele leMDC elikhokhelwa nguMnu. Morgan Tsvangirai ngoLwesine libe lomhlangano lentathelizindaba eHarare lapho eliveze ukukhathazeka ngokuthi idale leSenate izolo livumelene ukuthi i Electoral Amendment Bill ibengumthetho ngoba lisithi kunengi okwavunyelwana kusisekelo sombuso esitsha ngenguquko yokhetho okulokhu kungekho emthethweni lo.

NgoMvulo, amalunga edale leSenate awe-MDC-T aphume kulelidale kufundwa lumthetho okwesibili ngendlela yokutshengisa ukuthi awavumelani lawo njalo kuviki edluleyo avimbe ukuthi ufundwe kulelidale esithi awakawuhlolisisi.

Isiphathamandla seMDC-T esibona ngenhlelo zokhetho kulelibandla uNkosikazi Lilian Timveos utshele intathelizindaba ngoLwesine ukuthi umthetho lo awumumathanga okunengi okugoqela udaba lokufundiswa kwabantu ukuvota, ukubhalisela ukuvota, kanye lokwehlukanisa umsebenzi oqondane lomsitheli loqondane lenhlanganiso ye Zimbabwe Election Commission.

Isikhulumeli salelibandla uMnu. Douglas Mwonzora uthi ibandla lakhe lilakho ukuya emthethwandaba kanye lokukhuthaza abantu ukuthi bengemukeli lumthetho ngendlela yokubamba uhulumende ngamandla ukuthi aguqule lumthetho.

Ukuhlaziya loludaba, iStudio Seven ixoxe loMnu. Thabani Nyoni, ingcwethi ecubungula ezombusazwe njalo engumqondisi wenhlanganiso ye Bulawayo Agenda.

UNyoni utshele uSithandekile Mhlanga weStudio 7 ukuthi iElectoral Amendment Bill ingaphumelela ukubangumthetho, kuzahlala kulokhetho olungaqhutshwanga ngemfanelo njalo olungalampumela ethembekileyo elizweni.
please wait

No media source currently available

0:00 0:03:30 0:00
Lapho esitholakala khona

Kodwa isiphathamandla sebandla leZANU PF uMnu. Jorum Gumbo utshele iStudio 7 ukuthi iElectoral Amendment Bill ivunyelwene edale lesenate njalo kukhangelelwe okufanayo ephalamende.
Uthi konke okumunyethwe yi Bill le kuqondile njalo ibandl ale MDC-T lizichithela isikhathi.
XS
SM
MD
LG