EleMelika selithumele elinye njalo iqula eHarare ukuyahlaziya ezombusazwe ngenjongo yokuguqula umthetho wokujezisa eleZimbabwe leziphathamandla zeZanu PF oweZidera.
Umthetho lo wethulelwa uhulumende weZanu PF yiMelika ngo2001 ikhonona ngodaba lokwephulwa kwamalungelo oluntu lokungaqhutshwa kuhle kokhetho.
Iqula leMelika leli lilabantu abagoqela amalunga ekomidi yeCongress ekhangelane lendaba zezwekazi leAfrica uMnu Gregory Simpkins loMnu Pierro Tozzi.
Ababili laba batshele intathelizindaba ukuthi bazekhangela ukuthi kukhona osokuguqukile yini okungenza baguqule izijeziso abazethesa eleZimbabwe.
Leli liqula leMelika elesithathu ukuya eZimbabwe kunyanga ezimbalwa ezedluleyo.
Ingcwethi kwezombusazwe uMnu Brilliant Mhlanga utshele iStudio 7 ukuthi linyathelo elihle kakhulu elithethwe yiMelika.
