Izakhamizi zeMatobo, Gwanda, Beitbridge leInsiza zithi amabele asesitsha emasimini ngenxa yokuswelakala kwezulu.
Izakhamizi ezikhulume leStudio 7 zithi sokulenyanga yonke izulu lingani ezigabeni zabo lakwezinye esabelweni seMatabeleland South osokusenza ukuthi amabele atshe. Zithi kaziboni ukuthi amabele angatshakaza kumbe abhaceke loba nje izulu lingana kunsukwana ezilandelayo. Okwethusayo zithi lokudla kuvele sokusilela njengoba zathola amasaka amalutshwana esivuno somumbu nyakenye.
Ingcwethi ezobona ngenswelo zikazulu zithi eleZimbabwe likhangelelwe ukuthi liqalise ukuthenga amabele okunika uzulu emazweni atshiyeneyo njengoba kukhanya engani kuzahlupha lonyaka ukuthola amabele emasimini.
UMnu. Everson Ndlovu ingcwethi ekhangelane lenswelo zikazulu uxoxa ngodaba lolu loGibbs Dube weStudio 7.
