amalinks wokungena

Breaking News

UTomana Ulandula Ukuthi Uthe Amantombazana Kendiswe Emancane


Umtshutshi omkhulu kahulumende, uMnu. Johannes Tomana uselandule imbiko yokuthi uthe yena amantombazana aleminyaka elitshumi lambili kumele aphiwe imvumo yokuya emacansini lokwenda.

Limbiko yethulwe liphephandaba le Chronicle elithe uTomana utshele intathelizindaba yephephandaba leli ukuthi amantombazana amanengi aseleminyika elitshumi lambili kawayi esikolo ahlala emakhaya engelalutho alwenzayo okungenza kuhle ukuthi bazendele.

Iphephandaba leli liqhubeka lisithi uTomana uthi imithethwandaba kayiphosisi ngokungabophi abesilisa abayabe beye emacansini lamantombazana aleminyaka engaphansi kwelitshumi lasithupha ngoba amantombazana la ayabe evumelane labesilisa laba.

Kodwa uTomana utshele iStudio Seven ukuthi limbiko kayisiloqiniso ngoba umthetho ukufaka mgceke ukuthi kulicala ukuya ecansini lontombazana oleminyaka engaphansi kwelitshumi lasithupha.

Inhlanganiso ezilwela ilungelo lamantombazana besezethule imbiko esola okwamagama amazwi kaTomana la. Ezinye zazo beseziqoqa ukutshengisela zikhonona ngakho lokhu.

XS
SM
MD
LG