Amanye amalunga ebandla le MDC-T afuna ukukhethwa ezikhundleni zebandla ezitshiyeneyo abikwa etshelwe ukuba akumelanga adinge usekelo lwamalunga phambilini komhlangano weCongress ozakwenziwa ngenyanga ka Mfufu.
Lelibandla lethule lezi ziqondiso kulandela ingxabangxoza eyenzakalayo phambili kokhetho lwama primaries olwanyakenye. Amanye amalunga aseqalisile ukukhankasa enkundleni zobulenjini.
Lelibandla ebelimele lenze umhlangano we Congress ngomnyaka ka 2016 lithi selisenza lumhlangano lonyaka kulandela ukukhonona kwabanye ababesithi umongameli webandla, uMnu. Morgan Tsvangirai kumele atshiye isikhundla.
Yena wathi ngcono kwenziwe umhlangano we Congress ukwenzela ukuthi abantu bazise ukuthi belokhu bemfuna na kumbe hatshi.
UChris Gande weStudio Seven uxoxe lomsekeli kanobhala oqoqa inhlelo zebandla, uMnu. Abednico Bhebhe ukuze sizwe imbono yakhe ngaloludaba.
