Kungqikilana IHighlanders LeDynamos NgeNsonto
Lo ngumdlalo wakuqala wenkezo ye Bob Super Cup ozadlalelwa enkundleni ye Barbourfields Stadium koBulawayo.
Sithandekile Mhlanga
08.02.2013
WASHINGTON — Inengi lithi likhangelele ngamehlo abomvu umdlalo wakuqala wenkezo ye Bob Super Cup phakathi kweqembu lenguqu eleHighlanders lele Dynamos ngeNsonto enkundleni ye Barbourfields Stadium koBulawayo.
Imidlalo yesibili yalinkenzo ikhangelelwe ukudlalwa ngemva kwamaviki amabili.
Ngakwelinye icele, izizalwane ze Nigeria eziseSouth Africa le Zimbabwe zibikwa zijabule okwamagama, zigcwele indawana yonke ezitaladini zitshaya ovuvuzela, zithakazelela ukufinyelela kweqembu lazo lenguqu ukudlala umcintiswanweni wokucina owe Africa Cup of Nations finals.
Izizalwane ze Burkina Faso lazo zibikwa zijabula kulelolizwe ngesizatho esifanayo. Amaqembu adlalela amazwe womabili azangqikilana ngeNsonto kulimidlalo.
Umlandeli wemidlalo ye nguqu uAbel Khumalo ohlala eJohannesburg kwele South Africa utshele uSithandekile Mhlanga weStudio 7 ukuthi ufisa iqembu le Highlanders linqobe kumidlalo weNsonto. Uphinde wachasisa ngendlela izizalwane zeNigeria ezijabule ngayo eSouth Africa.
Ingxoxo LoAbel Khumalo