Thursday, April 24, 2014 Local time: 08:14

Indaba

Icele leMDC Lithi Abenza Udlakela Nyakenye Bazajeziswa

TEXT SIZE - +
Chris Gande

Idale elimqoka lecele leMDC elikhokhelwa nguMnu. Morgan Tsvangirai lithi ababangela udlakela phambilini komhlangano walelibandla, iCongress nyakenye, bazajeziswa.

Isikhulumeli sebandla leli, uMnu. Douglas Mwonzora utshele intathelizindaba ngemva kwalumhlangano ngoLwesihlanu eHarare ukuthi lanxa amalunga ebandla lakhe aphatheka kuloludlakela insoli zebandla leZanu PF lazo zabalesandla kudlakela olwenzakala endaweni ezitshiyeneyo zelizwe, ikakhulu koBulawayo lapho okwenzelwa khona lumhlangano. Uthi amagama alabo abazatholakala belecala azethulwa ngemva kokuba ugatsha lwezijeziso seluke lwahlaziya loludaba.

Lokhu kuvele ngemva kokucubungulwa okwenziwa liqula elalikhokhelwa ligqwetha, uMnu. Trust Maanda. Leliqula linqume ukubana kuphindwe njalo ukhetho ezigabeni ezibalisa iChitungwiza, iMashonaland East le West le Manicaland.

UChris Gande weStudio 7 uxoxe lomsekeli wesikhulumeli salelibandla, uNkosazana Thabitha Khumalo ukuze sizwe okunengi ngaloludaba.


Kunjalo nje, ingcwethi ecubungula ezombusazwe, uMnu. Dumisani Nkomo uthi inyathelo elithethwe licele le MDC leli, liyancomeka.



This forum has been closed.
Umbono wakho
     
There are no comments in this forum. Be first and add one