amalinks wokungena

Breaking News

IChicken Slice Yethula Ibhakane Elicunule AmaNdebele


Inkampani ethengisa ukudla eyeChicken Slice ngoLwesibili yethule ibhakane ebelilombiko wokuhuga abathengi obungalotshwanga kuhle ngeSiNdebele.

Inkampani le igxile eHarare njalo ivule ikhefa layo lakuqala koBulawayo ngoMgqibelo.

Kubhakane layo, iChicken Slice ibilobe ukuthi, “Umkwenyana uqobo uyabuya leChicken Slice.”

Isipele sebala elithi “Umkhwenyana” besingaqondanga ngoba u”h” ubengekho.

Wona lumbiko ubungaqondanga lawo njalo ingcwethi kulimi lwesiNdebele zithi umbiko oqondileyo ubumele ube ngothi “Umkhwenyana Oqotho Ubuya leChicken Slice.”

Ukuphanjaniswa kwalumbiko kucunule abantu abakhuluma ulimi lweSiNdebele, okubangele ukuthi inkampani le yethule ibhakane leli ifake elilotshwe ngesiNgisi.

Manengi amankampani asecunule abantu abakhuluma isiNdebele ngokuloba izipele zalolulimi kubi.

Amankampani la agoqela iNetOne. IPassport layo ilezipele zeSiNdebele ezilotshwe kubi.

Abanye abakhuluma ulimi lwesiShona labo bakhala ngokuthi zinengi izipele zalolulimi ezingalotshwa kuhle.

XS
SM
MD
LG