amalinks wokungena

Breaking News

Idale leConCourt Lilahla Udaba LukaMutasa loMliswa


Umnu. Didymus Mutasa
Umnu. Didymus Mutasa

Umthethwandaba waphezulu leConstitutional Court lilahle udaba lukamnumzana Didymus Mutasa emanyene lomnumzana Temba Mliswa abakhalaze befuna ukuba babuyiselwe edale lephalamende lokuthi lumiswe ukhetho lwama by-elections endaweni abekade bezimela.

Lokhu kwenzakala ngemva kokuxotshwa kwabo libandla leZanu PF elabhalela idale lephalamende lisithi ababili laba abaseyibo malunga ebandla leli.

Esethula isinqumo sakhe kulelo dale ngoLwesithathu, umahluli uChief Justice Godfery Chidyausiku uveze ukuba lesi sinqumo usithethe evumelana lamalunga wonke ayisitshiyagalolunye abumba omahluli bedale elithetha indabaeziphathelane lesisekelo sombuso ele Constitutional Court, kungela ophikisileyo.

UChidyausiku uthi lokho okwenziwa ngumlawuli wedale lephalamende umnumzana Andrew Mudenda kuqondile ngoba yikho okwakumele akwenze ngemva kokwamukela incwadi yokwazisa ngokuxotshwa kwababili laba kuZanu PF.

Igqwetha ebelimela ababili laba u Dr Lovemore Madhuku uveze ukuba bayasemukela lesi sinqumo esithethwe lidale lanxa bebelathemba lokuba lizabasekela.

Utsho lokhu uMadhuku ngesikhathi ekhulumisana lentathelizindaba ngemva kokwethulwa kwalesi sinqumo esimangalise abekade beze ukuzalulandela loludaba.

Umongameli Robert Mugabe uke wazwakala esethusela omahluli ethi ufuna ukubona ukuba ngubani ozakuluthonisa loludaba lukaMtasa loMliswa emveni kokuba ababili laba sebelukhwezwe edale lemthethwandaba we High Court anduba balukhweze ku Constitutional Court.

Amakhansila edolobheni lakoBulawayo asuka kucele leMDC-T esiya kweleMDC Renewal Team athi awakhathazeki ngembiko ethi azaxotshwa kulikhansili njengalokhu okwenzakala kwabanye babo ababengamalunga edale lephalamende ngoba wona azimisele ukulungiselela ukhetho lomnyaka ka2018.

Kodwa isikhulumeli seMDC-T uMnu. Obert Gutu utshele iStudio 7 ukuthi ibandla lakhe alikalungiseleli ukuxotshisa amakhansila la ngoba lingatholanga incwadi evele esigabeni sako Bulawayo ikhalaza lokhu.

Ukhansila weCowdray Park koBulawayo uMnu. Collet Ndlovu, ongu chief whip walikhansili njalo ekubandla le MDC Renewal Team utshele uSithandekile Mhlanga weStudio 7 ukuthi amalunga ebandla lakhe awabuyeli emuva.

please wait

No media source currently available

0:00 0:02:11 0:00
Lapho esitholakala khona

XS
SM
MD
LG