amalinks wokungena

Breaking News

Idale le Cabinet Liyavumelana Lohlelo Lokuvuselela Ezemfundo Olubiza i$4.5 Billion:David Coltart


Umphathintambo wezemfundo uMnu. David Coltart uthi idale le cabinet selivumele ukusungulwa kohlelo lokuvuselela imfundo eZimbabwe olwe medium term education plan okumele luphethwe ngomnyaka ka 2015.

Umnu. Coltart wethule umbiko lo ebulenjini beFacebook lapho athe amalunga edale le cabinet alujabulele okwamagama uhlelo lolu lokwakha izikolo ezedlula inkulungwane ezimbili lengxenye – $2,500.

Iziphathamandla zogatsha lwemfundo labamele inhlanganiso zababalisi bathi loluhlelo lwenziwe ngendlela ezakhuphula imfundo eZimbabwe.

Lukhangelelwe njalo ukulungisisa izikhalazo zababalisi ezinjengeholo eliphansi.

Okunye okumele kulungiswe phansi kohlelo lolu yikuvuselela indawo zokufundela ezizinkulungwane ezingamatshumi amabili lane– 24,000 lama libraries kanye lokukhanga izifundi ukuthi zisebenzise ubulembu be Internet.

lukhangelelwe ukuvuselela ezamasiko lezemidlalo, kuncediswe abantwana abaswelayo njalo kubunjwe imithetho ehambelana lezemfundo.

Uhlelo lolu luzaqhutshwa ngemali kahulumende kanye lezatholakala enhlanganisweni ezizimele zodwa.

Umnu. Sifiso Ndlovu umqondisi we Zimbabwe Teachers Association uthe okusindayo yindlela yokuthola amabillion amane lengxenye amadollar - $4.5 billion yokusekela uhlelo lolu.

XS
SM
MD
LG