09.01.2013
<h1>Germany: Amalunga eZanu PF Kasuswe eSave Conservancy</h1><img src="http://www.voandebele.com/App_Themes/VOA_nd/img/colorLogo.gif"/>EleGermany lithi lilakho ukungaphatheki emhlanganweni weUnited Nations Tourism Conference ngoNcwabakazi nxa uhulumende engekela ukususa abasekeli beZanu PF epulazini leSave Valley Conservancy.<br /> <br /> Ipulazi leli ngelezizalwane zeGermany njalo livame ukwethekelelwa ngabantu abavela emazweni atshiyeneyo abayabe belanda ukuzebona inyamazana zendle ezigcinwe kulo.<br /> <br /> Ummeli weGermany eZimbabwe uMnu Hans-Gunter Gnodtke utshele intathelizindaba ngoLwesithathu eHarare ukuthi ilizwe lakhe lifuna iziphathamandla zeZanu PF ezingene kulelipulazi zisuswe.<br /> <br /> <div class="tag_image tag_audio_plain" contenteditable="false" mode="audio|plain|248028"> Udaba Lusethulwa NguMavis Gama<img alt="" src="../../../img/spacer.gif" title="This is just placeholder, it will be replaced public site." /></div> <br /> Lokhu kulandela imbiko ethulwe nguhulumende ngeviki edluleyo yokuthi semise uhlelo lokuthathwa kwamapulazi aphansi kwezivumelwano zamaBilateral Investment Promotion and Protection Agreement (BIPPA).<br /> <br /> Uthe wenza lokhu ngokuhlonipha izivumelwano azilobelana lamanye amazwe ezivimba ukuthunjwa kwempahla yezizalwane zamazwe atshiyeneyo kungelambadalo.<br /> <br /> ISave Valley Conservancy layo iphansi kwesivumelwano seBIPPA. Abanikazi bepulazi leli yizizalwane zeGermany labantu abamnyama beZimbabwe abathile.<br /> <br /> Inyamazana ezitholakala kulelipulazi zigoqela indlulamiti, amadube, indlovu lezinye ezitshiyeneyo.<br /> <br /> Ingcwethi kwezombusazwe uMnu Nkululeko Sibanda uthi uhulumende kumele esuse amalunga eZanu PF kulelipulazi.<br /> <br /> <div class="tag_image tag_audio_plain" contenteditable="false" mode="audio|plain|248029"> Ingxoxo LoMnu Nkululeko Sibanda<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/igermany-ithi-amalunga-ezanu-pf-kumele-esuswe-esave-conservancy/1580859.html"/><meta name="syndication-source" content="http://www.voandebele.com/content/igermany-ithi-amalunga-ezanu-pf-kumele-esuswe-esave-conservancy/1580859.html"/><img src="http://livetracker.voanews.eu/counter.lt?PageType=256&RecordId=1580859&SiteId=430&r=109199160&it=0&pd=20130109200909&url=ArticleID1580859" alt="" style="border:none;" height="1" width="1">
Copy to clipboard Close