amalinks wokungena

Breaking News

Ihloka Lesigumula Lihlahlela Umsakazo weZBC


ZBC
ZBC

Izisebenzi ezedlula amakhulu amabili ezomsakazo kahulumende owe Zimbabwe Broadcasting Corporation – ZBC, zibikwa zinikezwe incwadi zokuzazisa ukuba umsebenzi usuphelile ngesikhathi sekulenkulungwane zezisebenzi esezixotshiwe kulandela isinqumo se Supreme Court sokuthi umqatshi ulelungelo lokuxotsha izisebenzi nxa ziphiwe inyanga ezintathu zesaziso lanxa eze ZBC zibikwa zingaphiwanga lesi sikhathi. Intathelizindaba yethu uMavis Gama usethulela loludaba ngokugcweleyo eseHarare.

Kubikwa kuxotshwe izisebenzi ezedlula amakhulu amabili eHare kuthi eGweru kwaxoshwa ezinye izisebenzi ezingamatshumi amahlanu kwahle kwavulwa umsakazo we Radio Zimbabwe obusakaza kulelodolobho. Ngeviki edluleyo kubikwa linkampani ithathelwe impahla ebalisa ibhasi yisithunywa somthathethwandaba ngodaba lwezikwelede.

Inkampani yeZBC ngenye yamankampani awatholakala eleziphathamandla ezihola imali enengi kakhulu.

Isehlakalo sokuxotshwa kwezisebenzi zeZBC lokhu sisolwe kakhulu nguzulu kanye lengcwethi kwezemithetho yezisebenzi kanye lekwezokuhlalisana kahle kukazulu.

Enye yalezingcwethi, uMnumzana Mlondolozi Ndlovu uthi lokhu
osekusenzakala,sekuyisibonelo sokuba engaselandaba lozulu
hulumende,uzulu engasazi ukuba kuyozalwa nkomoni.

Lamazwi kamongameli Robert Mugabe engatsho lutho, lapho engani uyakusola lokho okwenzakalayo,kuyinkulumo nje,njalo kusobala ukuba uyakwazi okwenzakalayo,ucatsha ngomunwe kuphela, kuveza uNdlovu.

Kubikwa kuvalwe lomsakazo kamabonakude wesibili enkampanini le i ZTV 2 .

Ngesikhathi loludaba lulotshwa,imibiko ibingethi abohlangothi olubona ngezokuqhatshwa kwabantu ( Human Resources ),belubhekise koBulawayo eMontrose Studios,ukuyakwazisa abasebenzela kulelodolobha ukuthi umsebenzi usuphelile.

IZBC ngenye yamankampani kahulumende ( parastatals ) aselandele lindlela ngemva kokuba idale le Supreme Court liphe lesi sinqumo esesidale inkulumo kuzulu.

Amankampani kahulumende asethe alandela lesi sinqumo,ngabalisa eye National Railways of Zimbabwe, AirZimbabwe leye ZIMRA.

Kunje abenhlanganiso ye Zimbabwe Congress of Trade Unions – ZCTU,bathi bafuna ukulukhweza edale le Constitutional Court.

Kodwa ingcwethi zithi akusizi lutho njengoba udaba lwezisebenzi
zenkampani yeZuva Petroleum,lulahliwe kuviki ephelileyo ngemva kokuba,zilukhweze kudale linye le ConCourt,ngemva kokuba zingazange zasuthiseka ngesinqumo se Supreme Court.

Kunjalo nje inhlanganiso elwela amalungelo entathelizindaba iMisa-Zimbabwe isole kakhulu ukuxotshwa mahlayana kwentathelizindaba isithi lokhu kuzaphambanisa umsebenzi wokwethulwa kwezindaba.

Amankampani asexotshe intatheli agoqela iNews Day, Daily News, Herald, Chronicle, lamanye. Sixoxe lomqondisi weMisa-Zimbabwe uMnu Nhlanhla Ngwenya.

please wait

No media source currently available

0:00 0:02:13 0:00
Lapho esitholakala khona

XS
SM
MD
LG