amalinks wokungena

Breaking News

Izisebenzi zeStanbic Zitshengisela Zifuna Ukwengezelelwa Iholo


Stanbic Bank
Stanbic Bank

Izisebenzi zebhanga leStanbic zitshengisele emahofisini amakhulu aleli bhanga eHarare ngoMvulo zikhala ngenhlupho ezibhekane lazo ekusebenzeni kanye leholo eliphansi elizitholayo.

Izisebenzi lezi ebezedlula ikhulu zifole ziqonde emahofisini amakhulu eStanbic akuSamora Machel Avenue, zithwele amabhakani alotshwe insolo yazo zihlabela ingoma ezihaya umqatshi zisithi zifuna iholo lazo kanye lokuthi ziphathwe kuhle emsebenzini.

Iziphathamandla zenhlanganiso yezisebenzi zemabhanga eye Zimbabwe Bankers and Allied Workers Union-Zibawu, zithi izisebenzi zaleli bhanga ziphethwe njengezigqili. IStanbic Bank ibikwa ihlawula izisebenzi incosana kodwa ama manager eholiswa imali ezesabekayo. Iziphathamandla lezi zikhuthaza uzulu ukuthi angasebenzisi leli bhanga ngoba lincindezela izisebenzi.

XS
SM
MD
LG