28.12.2012
<h1>Ikhefu LikaMugabe Lidala Inkulumo</h1><img src="http://www.voandebele.com/App_Themes/VOA_nd/img/colorLogo.gif"/>UMongameli Robert Mugabe sethethe ikhefu lakhe avame ukulithatha ekupheleni komnyaka.<br /> <br /> UMugabe usuke elizweni ngoLwesine elubhekise ngentshonalanga lapho azaqeda khona amaviki athile lemuli yakhe.<br /> <br /> Isikhulumeli sakhe uMnu George Charamba uthi ozasala ephethe isikhundla sikaMugabe ngomunye wabasekeli bakhe uNkosikazi Joice Mujuru.<br /> <br /> Lanxa uCharamba engavezanga ukuthi uMugabe uzakuya kuliphi kumbe kuwaphi amazwe, uMugabe ngokwakhe uke wafanisela ngempelaviki ukuthi ulakho ukwethekelela kweleChina.<br /> <br /> Kodwa ukuhamba kwakhe sokudale inkulumo abanye besithi lokhu kutsho ukuthi ukulotshwa kwesisekelo sombuso esitsha sokuzamelela yena aze ephenduke.<br /> <br /> Uhlelo lolu solulesikhathi lusehlula ukuthi lugqitshwe ngenxa yokudonselana phakathi kweZanu PF leMDC.<br /> <br /> Inhlanganiso ezimeleyo iCrisis in Zimbabwe Coalition yethule umbiko isithi uMugabe kumele aphenduke kulungisiswe udaba lwesisekelo lokunye okudinga ukulungisiswa ngaphambilini kokhetho.<br /> <br /> Sixhume umqondisi walinhlanganiso uMnu Thabani Nyoni yena uthe uMugabe lebandla lakhe leZanu PF bakhanya bengazimiselanga ekuthini kubunjwe isisekelo esitsha.<br /> <div class="tag_image tag_audio_plain" contenteditable="false" mode="audio|plain|243771"> Ingxoxo LoMnu Thabani Nyoni<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/ikhefu-likamugabe-lidala-inkulumo/1574005.html"/><meta name="syndication-source" content="http://www.voandebele.com/content/ikhefu-likamugabe-lidala-inkulumo/1574005.html"/><img src="http://livetracker.voanews.eu/counter.lt?PageType=256&RecordId=1574005&SiteId=430&r=441705363&it=0&pd=20121228173412&url=ArticleID1574005" alt="" style="border:none;" height="1" width="1">
Copy to clipboard Close