amalinks wokungena

Breaking News

Bankers Association of Zimbabwe: Ayisoze Iguquke Imali YamaWithdrawals


Ibhanga leReserve Bank of Zimbabwe
Ibhanga leReserve Bank of Zimbabwe

Inhlanganiso yama bhanga eye Bankers Association of Zimbabwe ithi ukusungulwa kokusetshenziswa kwemali yamatshe libanga lesizwe ele Reserve Bank of Zimbabwe kuleli akusoze kuguqule umumo okhona okwamanje emalini umuntu amele ayithole ngesikhathi esithile efuna ukuthatha imali yakhe ebhanga.

Embikweni wayo ngempelasonto linhlanganiso ithi ama bhanga amukela ngenjabulo inyathelo le bhanga lesizwe lokuveza imali yamatshe ezaqala ukusebenza ngolwesine kuyonale iviki isithi noma kunjalo uzulu kaziswe ukuba lelinyathelo aliguquli isilinaniso semali abantu abangayithola emabhanga lapho bethatha imali kuma account abo.

Unkosazana Clarity Sibanda oyisakhamuzi se Harare uthi vele yena kaboni ukuba lawa ma coins ajongeni ngesikhathi kungela dubo lwentshintshi kangako elizweni:

Umnumzana Masimba Kuchera ocubungula ngezombusazwe uthi injongo kahulumende ikhanya ingeyokwenqabela ukuqonga kwentengo yezinto noma nje ibuya ngesikhathi umumo we ntshintshi usungcono ethi kukhanya kungaba nzima ukuba abantu kuleli beyamukele limali bekhululekile:

Umnumzana Tinashe Gumbo oyisakhamuzi e Harare uthi uhulumende ukhanya efuna ukuveza nje kuphela ukuba ulokunye akwenzayo laye lokukhomba ukuba ilizwe lilozibuse njalo lizimele kodwa kungasoke kulungisise udubo lokusilela kwemali kuleli:

Ibhanga lesizwe eleRBZ, liveze imali yamatshe eqalisela ku cent elilodwa, amahlanu, alitshumi langamatshumi amabili lanhlanu-25c, ezasebenza ngokulingana lemali yakwele Melika isekelwa yi Bond facility yezigidi ezingamatshumi amahlandu zamadollar eMelika- US$50milllion.

I Bankers Association of Zimbabwe ithi lelinyathelo lizaphathisa uzulu ukuba engaqilibelezelwa ngabezitolo labamabhizimusi ngasikhathi sinye lingatsho ukuphenduka kwedollar le Zimbabwe.

Uzulu uhlala ekhonona ukuba amabhanga abavumeza ukuthatha izimali ezincane kuma account abo ngenxa yokusilela kwemali elizweni.

XS
SM
MD
LG