Ngemva kokulotshwa kwesivumelwano esamisa impi yenkululeko kwele Zimbabwe, ese Lancaster House ngomnyaka ka1980 eleBhilitane lathembisa ukupha ilizwe leli imali yokuhlawula abamhlophe ababezathathelwa amapulazi.
Umbuzo osuhlala uphuma kunkulumo yokwaba umhlabathi ngothi, eleMelika lona lagcwalisa na? izifiso zalo zokuphathisa ele Zimbabwe ngemali yohlelo lolu?
Lumbuzo uvele njalo kuyonale iviki emhlanganweni owenzelwe eNational Endowment of Democracy, eWashington DC, eMelika lapho usomabhizimusi njalo eyisikhwicamfundo, uMnu. Ibbo Mandaza ebuze ukuthi uhulumende weMelika wayikhipha na? imali ayithembisayo yamadola angaba yibhiliyoni elilodwa-$1billion.
Kodwa ummeli weleMelika eZimbabwe uMnu. Bruce Wharton ulandule lokhu esithi uhulumende wakhe wathembisa ukuphathisa ngemali yokuvusulela umnotho welizwe hatshi ezokulima kuphela.
UChris Gande weStudio Seven uxoxe lowalwa impi yenkululeko uMnu. Rugare Gumbo owayeyisikhulumeli sebandla le Zanu PF othi mpela uhulumende weleMelika wathembisa ukuphathisa uhlelo lokwaba kutsha umhlabathi.
