amalinks wokungena

Breaking News

EleMelika Linanza Imisebenzi KaMartin Luther King Jnr


Umuyi wazakala ngenkulumo yakhe ethi “I have a Dream” ekhuthaza ukungakhethani ngemihlobo

EleMelika linanze imisebenzi kamuyi uMartin Luther King Junior, owayelwela ilungelo loluntu, owabhubha ngomnyaka ka 1968. Ukunanza lelilanga, kwenziwe imicimbi-cimbi etshiyeneyo egoqela ukuncedisa abaswelayo, kanye lokufola.

Umuyi wazakala ngenkulumo yakhe ethi “I have a Dream” owayikhuluma ngomnyaka ka 1963 khonapha eWashington D.C, eyakhuthaza ukungakhethani ngemihlobo, njalo yabukwa ngabantu bamazwe atshiyeneyo, kanye labanye abamhlophe khonapha eMelika.

Ngomnyaka ka 1955, uMnu. King wakhuthaza abantu abansundu ukuthi bekhalale ukugada amabhasi eMontgomery eAlabama ngoba bebandlululwa. Wathola isicoco se Nobel Peace Prize ngomnyaka ka 1964.

Omabonakude batshengisa imifanekiso ngempilo kamuyi etshiyeneyo, egoqela umdlalo wokulingisa obizwa ngokuthi “Selma” otshengisa umuyi elwela ilungelo lokuthi abansundu bevote.

Kusenjalo isizalwane seZimbabwe esihlala khonapha eMelika uMnu. Handel Mlilo utshele uSithandekile Mhlanga weStudio 7 ukuthi ubandlululo alukapheli kweleMelika ikakhulu kukhangelwa izehlakalo ezisanda ukwenzakala, ezigoqela ukudutshulwa kwabesilisa abansundu abangahlomanga ngamapholisa ezigabeni ezinengi zelizwe.

please wait

No media source currently available

0:00 0:02:15 0:00
Lapho esitholakala khona

XS
SM
MD
LG