amalinks wokungena

Breaking News

Impumela Yemidlalo Yenguqu YangoLwesithathu Esigabeni sePSL


Imidlalo yeCastle Lager PSL
Imidlalo yeCastle Lager PSL

Iqembu le Chicken Inn litshaye ele Triangle nge 2 ka 1 enkundleni ye Gibbo okuyimpumela etsho ukuba selikhuphule inani lemiklomelo elilayo laya kumatshumi amane lathoba munwe munye (49) ngemva kokudlala imidlalo engamatshumi amabili lantathu (23).

Iqembu elihlezi kundawo yesibili engalaneni ele FC Platinum lale lilokhu litshiywa ngemiklomelo emihlanu ngele Chicken Inn ngemva kokuba linqobe ele How Mine nge 3 ka nya emdlalweni obusenkundleni ye Luveve.

Abafana be FC Platinum balemiklomelo engamatshumi amane lane (44) kuthi intshantshu zanyakenye iqembu le Dynamos lalo lale lilokhu lihlezi endaweni yesithathu ngemva kokubhaxabula iqembu le Whawha nge 5 ka 1 enkundleni ye Rufaro okutsho ukuba selilemiklomelo engamatshumi amane lambili (42).

Iqembu le How Mine seliyehle layahlala phakathi laphakathi kwenkundla kundawo yethoba minwe mbili okuyisimo esingenza umqeqetshi waleliqembu uLuke Masomere alahlekelwe ngumsebenzi njengoba vele sekulabasekeli beqembu abamhoza besithi akatshiye ngoba eseyehlulekile.
Ekhuluma lentatheli ngemva komdlalo uMasomere uthe iqembu lakhe lenza iphutha ngokuthenga abadlali asebekhulile yikho iqembu lakhe lingaqhubi kuhle.

Kweminye imidlalo ebikhona namhla iqembu le ZPC Kariba linqobe ele Harare City nge 2 ka nya enkundleni ye Nyamhunga, iqembu le Caps United lilande iqembu le Hwange emalahleni lafika lanqoba nge 1 ka nya kuthi iqembu le Chapungu likhulele ele Tsholotsho nge 2 ka 1 emdlalweni obusenkundleni ye Ascot.

Imidlalo iqhubekela phambili kusasa lapho iqembu le Highlanders elizemukela khona ele Flame Lily emagumeni eBarbourfields kuthi iqembu le Buffaloes lizangqikilana leqembu le Dongo Sawmills ngase Sakubva.

Impumela yemidlalo yenguqu eyePSL
please wait

No media source currently available

0:00 0:01:38 0:00
Lapho esitholakala khona

XS
SM
MD
LG