Emidlalweni yeWorld Cup ele Ghana selikhahlelelwe khatshana kulandela ukungqotshwa kwalo ngele Portugal nge 2 ka 1. Kuthike komunye njalo umdlalo wesibaya sika Group G eleMelika lenelise ukuya kuhlandla lesibili lalimdlalo lanxa lingqotshwe ngele Germany nge 1 ka 0.
Kolunye njalo lokhe sisedabeni lwemidlalo yeWorld Cup umdlali olodumo owe Uruguay uLuis Suarez usemiswe ukudlala imidlalo yengu okwenyanga ezine kulandela ukuluma akwenza uGeorgio Chilleni owele Italy bedlala umdlalo wabo owesibili.
Asiko kwakuqala ukuba uSuarez, odlalela iqembu le Liverpool lakwele Bhilitane, alume omunye umdlali. Kuthi ele Ghana lixotshe abadlali ababili, uSulley Munthari lo Kevin – Prince Boateng njengoba bengalandeli imithetho.
UChris Gande we Studio Seven uxoxe lengcwethi ecubungula ezemidlalo, u Ezra Tshisa Sibanda othi abalandeli benguqu abanengi badiniswe yikungadlali kuhle kwamaqembu awezwekazi le Africa kulimdlalo.
