Usibalukhulu webhanga elikulu lesizwe, ele Reserve Bank of Zimbabwe-RBZ, uMnu. John Mangudya, uthi izizalwane zeZimbabwe kumele zibambane zibe lombono munye ukuze ilizwe liphume ebunzimeni elikubo.
Esethula imbiko yakhe yokusetshenziswa kwemali, iMonetary Policy, ngoMvulo, uMangudya uthe lanxa ilizwe libhekane lobunzima obubangelwa yikuvalwa kwamankampani lokusilela kwemali ulethemba lokuthi kuzaba lobubelo. Uthembise ukuba ibhanga le RBZ lizayekela eminye imisebenzi elayithatha ngesikhathi kusasebenza idollar leZimbabwe esithi kumele lelibhanga lisebenzi umsebenzi elivele limele liwenze.
Ngesikhathi uMnu. Gideon Gono engusibalukhulu walelibhanga wasungula inhlelo ezazimele zisetshenzwe lugatsha lwezemali. UMangudya uthe phakathi kwamabhanga elizwe alitshumi lasithoba munwe munye amane kuphela angakenelisi ukufunyelela imali efunaka ngomthetho ukuthi abe lawo.