amalinks wokungena

Breaking News

I-John Tallach Secondary Ithola Impumela Ephezulu Kumihloliso Ye "O" Level


Izikolo ezilitshumi lapho okuphumelele isilinganiso esikhulu sabantwana zigoqela I Monte Casino Secondary School, Zimbabwe Republic Police High School, Nyanga High, lezinye.

Uhulumende uthi impumela yemihloliso yemfundo ye “O” level isiphumile njalo itshengisa ukuthi inani lezifundi eliphumeleleyo liqonge ngesilinganiso sokubili ekhulwini i-2, 32%, ngoba nyakenye kuphumelele isilinganiso esiphansi kancane kwamatshumi amabili ekhulwini-18,4% kodwa lonyaka kuphumelele 20, 72%.

Umphathintambo obona ngezemfundo uMnu. Dokora uthi izifundi sezingathatha ezikolo zazo amaphetshana atshengisa ukuthi ziqhube njani imihloliso le kusukisela lamuhla.

Izikolo ezilitshumi lapho okuphumelele isilinganiso esikhulu sabantwana zibalisa I Monte Casino Secondary School, Zimbabwe Republic Police High School, Nyanga High, St Ignatius College, Regina Mundi Secondary School, Nyazura Adventist, St Dominics Chishawasha Secondary, Kriste Mambo Secondary School, Anderson Secondary School, leJohn Tallach Secondary School, yona ese Mbembesi eMatabeleland South.

Ukuhlaziya loludaba, uSithandekile Mhlanga weStudio 7 uxoxe oMnu. Bekezela Maduma, ingcwethi ecubungula ezombusazwe njalo eyisikhulumeli senhlanganiso emela amalungelo ezisebenzi iGwanda Residents Association, esanda ukukhonona ngokwehluleka ukuphumelela kwabantwana balindawo emihlolisweni yezifundo zikaGrade 7.

please wait

No media source currently available

0:00 0:02:41 0:00
Lapho esitholakala khona
XS
SM
MD
LG