Ele Zimbabwe libe lesilinganiso sokwehla kokusungulwa kwamabhizimusi esikhulu kakhulu emnyakeni odluleyo okungenye yembangela yokonakala komnotho welizwe.
Usibalukhulu webhanga lesizwe, uMnu. John Mangudya uthi ilizwe lithole imali engamadola azinkulungwane eziyisithupha lasikhombisa, $67 million ngokusungulwa kwamabhizimusi kodwa ngomnyaka ka 2013 ilizwe lathola imali engamadola azinkulungwane eziyizigidi ezilikhulu lamatshumi angamatshumi ayisithupha lanhlanu, i$165 million.
Ingcwethi kwezomnotho welizwe zithi umumo uke wabanganeno ngesikhathi sombuso kahulumende womanyano.
UChris Gande weStudio Seven uxoxe lengcwethi kwezenotho, uMnu. Bekithemba Mhlanga othi osomabhizimusi abavela kwamanye amazwe kunye labayizizalwane ze Zimbabwe behlala kwamanye amazwe bayesaba umthetho wokuthuthukisa inotho yabensundu, owe Indigenous ukuthi basungule amabhizimusi.
