*****************Umthethwandaba weHigh Court unquma ukuba uskomitshi wamapholisa umnumzana Augustine Chihuri kanye logatsha lwendaba zasekhaya ukuthi luhlawule abantu abawelwa yingozi yokudabuka kwedamu eChingwizi ngokuhlukuluzwa lokubotshwa abakwenziwayo.
*********************AbeZimbabwe baqhubeka bebalekela kweleBotswana ngobunengi besiya dinga indlela ezingcono zokuziphilisa. Kodwa sebethola iGaborone ingayisiyo Khenani abakade beyicabanga ngoba bezithola bexotshaniswa ngamapholisa njalo bethola inhlawulo ephansi, uma belenhlanhla yokuyithola.
***********************Kwezemidlalo….Imidlalo yenguqu eyeligi yePSL iyahlaba ikhefu ngalimpelaviki njengoba amaqembu amela amazwe emdlalweni wenguqu eyabe ephatheke kumncintiswano wokudinga amaqembu azakuyadlala eAfrican Cup of Nations kanye leye Euro 2016.Ngasikhathi sinye imidlalo eyeAfrican Games iqala namhla eCongo Brazzaville, ele Zimbabwe limelwe liqembu lama under-23 elama Young Warriors
****************************Lingakhohlwa uhlelo Livetalk lapho esihlaziya ngokukhulunywe ngumkhokheli weMDC-T ukuthi abantu makhaza bona benzani ukuguqula umumo abakuwo eZimbabwe kulokumelela ukukhokhelwa ngamabandla ezombusazwe aphikisayo.
