amalinks wokungena

Breaking News

INetherlands Ibhuqha Kakubi iSpain Emncintisweni we2014 World Cup


Abantu abanengi abaseMadrid isigodlo seSpain lakwamanye amadolobho agoqela iBarcelona lamanye lokhe bebuzana ukuba kanti vele kuhambe njani ukuthi iqembu labo lidliwe kangaka liqembu elalibhuqha ngomnyaka ka2010 okwenza yathatha inkezo ka2010 World Cup kwele South Africa.

Isimanga yiso esenzakale ngoLwesihlanu emdlalweni womncintiswano we2014 World Cup oqhutshelwa kwele Brazil.

Emidlalweni edlalwe ngoLwesihlanu, owakuqala iMexico ihle yatshaya iCameroon 1 kazero esibayeni sikaGroup A.

Ngemva komdlalo weMexico inqikilana leCameroon enkundleni kulaphoke okungene iSpain ebhuqwe kakubi ngeleNetherlands 5 ka one esibayeni sikaGroup B, okutshiye abanengi bebambe owangaphansi. Laphake iqembu leNetherlands libuye liganu unwabu liphindesila ukunqotshwa elakwenziwa ngeleSpain ngaluwana mnyaka.

Umncintiswano walonyaka ungene kusuku lwesibili ngoLwesihlanu uqale ngoLwesine kwele Brazil ngomdlalo phakathi kwayo iBrazil leCroatia. IBrazil ihle yatshaya iCroatia 3-1 emdlalweni wonalowo wakuqala.
XS
SM
MD
LG